Dum som eit brød - eller?

Nokre gongar så kan eg rett og slett ikkje fatte og begripe korleis folk har funne på å finne opp ting, altså korleis dei kom på at den tingen treng vi, eller korleis dei i det heile tatt har greidd å finne ut korleis dei skulle gjennomføre planlegging og å få tingen til å bli verkeleg. Og så kjem den andre saka, å finne namn til produktet! For eksempel tenk for ein smart person som fant på å kalle ein stol for ein stol, når ordet stole er noko heilt anna, du veit ”å stole på”. Deg kan eg stole på, deg kan eg sitte på – tja det er vel ein viss likskap mellom setningane… Jaja merkelig, men kva om for eksempel termos hadde fått namnet saft, og saft hadde fått namnet fjell, kva ville då ein termos ha vore, og kva ville då eit fjell ha vore? Og no tildags så er det jo ikkje fleire namn å finne opp, trur eg, vil det sette ein stoppar for utviklinga av nye produkt, for ein kan jo ikkje ha ei vare utan eit namn…
Noko som eg er like fasinert over, og som er rett og slett ikkje kan begripe og fatte – er korleis nokon fant på å lage tv…og telefon, radio, mikrobølgeovn, bil, utnytte råvarer som olje, elektrisitet, lyspæra, ja eigentlig så er eg fasinert av alt – bortsett frå omo tabletten som er pakka inn i plast som løysar seg opp i vatn, idioti! Det eg er mest fasinert over er korleis folk fant på å lage brød, og andre ting som må miksast og blandast saman før det må steikast eller kokast før det kan nyttast. Tenk da kor lang tid det tok å reinske kornet før det vart mjøl, og kor lang tid det tok å få vatn til å fordampe før ein kunne nytte seg av saltet, gjæra – ja kven i alle dagar var det som fant på å framstille gjær ut av ei sopp – for så å putte den ned i blandinga av mjøl og vatn og få den til å heve seg? GENIALT!!!
Men tenk om personen ikkje var så genial som eg vil ha det til? Tenk om han bare var heilt ”lost” i hodet sitt….”Oj nei, no sølte eg vatn ned i mjølet til ho mor, eg må ta å røre om slik at det blir vekk…oj, nei det gjekk ikkje, eg kastar det på bålet slik at vatnet fordampar slik at eg kan koste opp mjølet igjen og legge det i krukka..å nei, då vil det jo komme masse aske med også, eg tek å legg krukka ned slik at det ser ut som nokon har kvelva den, og legg vatn blanda med mjøl på ein av dei steinane som er rundt bålet… ” Etter 40 minutt kom ho mor tilbake og fant mjølet som var blitt til eit brød. Kven veit?